Bretland fær nýggjan forsætisráðharra í dag

Í dag verður avdúkað, hvør verður nýggjur bretskur forsætisráðharri, eftir Boris Johnson.

Millum 160.000 og 180.000 bretar eru limir í Konsetvativa flokkinum, og tað eru teir sum skulu gera av, hvør verður nýggjur formaður í flokkinum, og samstundis nýggjur forsætisráðharri.

Tað eru 42 ára gamli Rishi Sunak, sum hevur verið fíggjarmálaráðharri, og 47 ára gamla Liz Truss, sum er uttanríkisráðharri.

Liz Truss

Meiningarkanningar peika á Liz Truss

Rishi Sunak tók seg aftur sum fíggjarmálaráðharri fyrr í summar, fyri at mótmæla politikkinum hjá Boris Johnson.

Rishi Sunak

Upprunaliga vóru 11 um boðið at gerast forsætisráðharri, men tá avtornaði, kom kappingin at standa ímillum tey bæði.

Stór ósemja hevur verið í Konservativa flokkinum seinastu árini, og fyrsta uppgávan hjá nýggja formanninum verður at savna flokkin aftur, siga eygleiðarar.

Stórabretland

Allar meiningakanningar, sum eru gjørdar, vísa, at Liz Truss verður nýggjur formaður í flokkinum og harvið forsætisráharri.