Samráðast nú um nýggjan handverkarasáttmála

Føroya Arbeiðsgevarafelag, Føroya Handverksmeistarafelag, Føroya Handverkarafelag og Landsfelag Handverkaranna eru nú farin undir at samráðast um handverkarasáttmálan, sum gongur út 1. oktober í ár.

Partarnir handaðu krøvini í farnu viku, og í gjár fóru partarnir undir samraðingarnar.

Partarnir samráðast aftur í dag, og avtalað er, at samráðingarnar halda fram í morgin.

Hvussu samráðingarnar ganga, er ikki greitt, tí eingin vil siga nakað um samráðingarnar, og heldur ikki um krøvini sum partarnir hava latið hvørjum øðrum.

Tá arbeiðarafeløgini og arbeiðsgevararnir samráddust í vár og í summar, var úrslitið ein lønarhækking upp á 8,5 prosent. Tað var hægsta lønarhækkingin, sum arbeiðarafeløgini hava fingið í 20 ár.