Apoteksverkið fingið álvarsliga átalu frá Dátueftirlitinum

05.10.2022 - 09:16
AktueltHeilsa
Apoteksverkið fingið álvarsliga átalu frá Dátueftirlitinum
Mannagongdin í sambandi við trygdarbrot var ikki nóg greið, sigur Dátueftirlitið. Apoteksverkið sigur, at tað var hon, men starvsfólkið fylgdi ikki mannagongdini.
Bræv við viðkvæmum persónsupplýsingum, sum vóru ein útskrift av heilivági hjá einum fólki, var sent til skeivt fólk, tí skeivur móttakari stóð á brævbjálvanum.
Mynd: Savnsmynd  
 

Apoteksverkið hevur fingið álvarsliga átalu frá Dátueftirlitinum.

Átalan er fyri mannagongdina í sambandi við handfaring av trygdarbrotum.

Hetta hendir, eftir at eitt bræv við viðkvæmum persónsupplýsingum, sum vóru ein útskrift av heilivági hjá einum fólki, var sent til skeivt fólk, tí skeivur móttakari stóð á brævbjálvanum.

Brævið, sum var sent frá Tjaldurs apoteki tann 11. apríl, var latið innaftur til Eysturoyar apotek tann 23. apríl. Móttakarin á Eysturoyar apoteki legði brævið til sín leiðara, ið møtti til arbeiðis týsmorgunin 26. apríl. 

Tann 27. apríl fekk Tjaldurs apotek brævið aftur og kundi tá staðfesta eitt trygdarbrot. 

 

 

Dátueftirlitið fekk fráboðan tann 28. apríl, og í fráboðanini vísir Apoteksverkið á, at mannagongdin fyri trygdarbrot, sum øll  starvsfólk eru kunnað um, ikki er fylgd. 

Tá ið slík trygdarbrot henda, skulu greiðar mannagongdir vera fyri handfaring av trygdarbrotinum.

Dátueftirlitið kannaði tí, um Apoteksverkið hevði nøktandi skrivligar mannagongdir til starvsfólkini, so tey vita, hvat tey skulu gera, tá ið eitt trygdarbrot er hent, og tað hevði stovnurin ikki, sambært Dátueftirlitinum.

Fráboðanir um trygdarbrot skulu vera Dátueftirlitinum í hendi innan 72 tímar, eftir at trygdarbrotið er staðfest. Í hesum føri gekk sostatt longri tíð, til Dátueftirlitið varð kunnað.

 

Hoyr samrøðu við Robert Vilhelmsen, sum er dátuverndarfólk hjá Apoteksverkinum:

 

05102022_-_Robert_Vilhelmsen


 

 

Er kopiera
Nýggjastu sendingar í ÚV
Hósdag 9. februar
Morgunlestur hósdagur 9. februar 2023
151781
Mikudag 8. februar
LEITISSTEIN 07.02.2023
152212
Mikudag 8. februar
Dansival - Gestur er Hans Esbern Heinesen
151523
Mikudag 8. februar
Ljóarin 8. februar
152211
Mikudag 8. februar
Skratsj tann 8. februar 2023
152202
Nýggjastu sendingar í SV
Týsdag 7. februar
Jørðin II: Fjøll (2:6)
119465
Sunnudag 5. februar
Andakt við Niels Paula Nónstein
151993
Sunnudag 5. februar
Møti umborð á Bakkafossi
151995
Leygardag 4. februar
Ítróttafagnaðurin 2022
151988
Hósdag 2. februar
Foytar greyðir (2:3)
151840