Det Ferösche Compagnie fekk M. A. Jacobsens virðisløn fyri mentanaravrik

Leikbólkurin Det Ferösche Compagnie, ið hevur verið virkin síðani 2010, hevur í ár framført leikverkið "Lykkenborg" í Listastovuni í Miðvági. 

"Við støði í søguni um miðvingin Pól Jóhannus Poulsen hevur Det Ferösche Compagnie skapað ein minimalistiskan leik, sum spreingir siðbundnar fatanir av leiklist og megnar at bróta niður allar veggir millum áskoðara og leik."

Soleiðis skrivar dómsnevndin í grundgevingini fyri at lata leikbólkinum Det Ferösche Compagnie virðisløn M.A. Jacobsens fyri mentanaravrik í 2022. 

M. A. Jacobsens virðislønir, Det Feröische Compagnie

Búi Dam

Det Ferösche Compagnie er mannað við sjónleikarunum Kjartani Hansen, Kristina Sørensen Ougaard og Búa Dam (leikastjóri). Tónasmiðinum, framleiðaranum og ljóðsniðgevanum Jens L. Thomsen. Pallsmiðinum Sámal Blak. Og grafikaranum Kristin Helgadóttir. 

M. A. Jacobsens virðislønir, Det Feröische Compagnie

Kristina Sørensen Ougaard

Síðani Det Ferösche Compagnie varð stovnaður í 2010, so hevur bólkurin framført seks leikir:

• En reise udi færø, 2010
• Rain, 2013
• Operation Valentine, 2016
• Hamlet, 2019
• Operation Valentine - Vinyl, 2021
• Lykkeborg, 2022