Nýggjur uttanríkisráðharri: PKK er yvirgangsfelagsskapur

Nýggi svenski uttanríkisráðharrin, Tobias Billström úr flokkinum Moderaterna, sigur kurdiska felagsskapin PKK vera ein yvirgangsfelagsskap, og hann lovar at gera enda á uttanríkispolitikkinum hjá undanfarnu stjórnini.

Hann sigur, at Svøríki tekur undir við Turkalandi í spurninginum um PKK, sum turkar skíra ein yvirgangsfelagsskap, skrivar AP.

- Vit fara ikki bert at tosa, tá talan er um PKK. Vit taka undir við sjónarmiðinum um, at yvirgangsfelagsskapir ikki sleppa at virka á svenskari jørð, sigur Billstrøm sambært AP.

Fyrr í ár bóðu bæði Svøríki og Finnland um limaskap í NATO, men fyri at fáa Turkaland at játta, gjørdi svenska stjórnin avtalu við Turkaland um, at landið skal stríðast ímóti yvirgangsvirksemi.

Tað er ikki nevnt fyrr, at talan er um felagsskapin PKK skrivar Ritzau.