Rættur í Grønlandi kann døma upp í 16 ára fongsulsrevsing

Frá 1. januar fer at bera til hjá dómstólunum í Grønlandi at døma upp í 16 ára fongsulsrevsing.

Tað skrivar grønlendska landsstýrið í tíðindaskrivi.

Sum er ber bara til at verða dømdur upp í 10 ára fongsulsrevsing.

Fólkatingið hevur samtykt broytingina eftir áheitan frá grønlendsku landsstýrinum.

Í tíðindaskrivinum verður sagt, at landsstýrið arbeiðir við at nýskipa rættarskipanina og at yvirtaka revsirættin.

Hetta fer at hava við sær, at grønlendska landstingið sjálvt kann áseta revsikarmin.