Framvegis eingin semja um makrelin

Framvegis er eingin semja millum strandarlondini um, hvussu tey skulu býta makrelin.

Fundir vera nú fyrst í november og fyrst í desember.

Enn er langt millum londini, men samráðingarnar ganga framá, siga íslendsku fiskivinnumyndugleikarnir.

Tilmælið hjá ICES fyri 2023 er 782.066 tons av makreli.

Strandarlondini eru samd um at lurta eftir ICES.

Men kortini hava tey ásett sær sjálvum kvotur, sum samanlagdar fara langt upp um tilmælið.