Fimta løgtingsvalið í ótíð

Føroyingar skulu fyri fimtu ferð á løgtingsval í ótíð, vísir yvirlit hjá hagtalsbankanum, Valúrslit. 

Val í ótíð merkir, at løgtingsval er útskrivað fyri tíð.

Fyrstu ferð, vit høvdu løgtingsval í ótíð, var í 1980. Tá slitnaði stóra samgongan millum Javnaðarflokkin, Tjóðveldisflokkin og Fólkaflokkkin. 

Hon hevði tá sitið í seks ár tilsamans. Ósemjan snúði seg um millumlandasiglingina hjá Smyrli.

Til fánýtis at halda fram

Tann 24. september 1980 skrivaði Dagblaðið, málgagnið hjá Fólkaflokkinum, at “allar royndir at fáa verandi samgongu at halda fram, eru til fánýtis”.

 10 ár seinni, í 1990, var aftur løgtingsval útskrivað í ótíð, og hesa øldina hava trý løgtingsval verið útskrivað fyri tíð.

Í Føroyum hava hava vit havt løgtingsval í ótíð í: 

1980
1990
2004
2011
2022