Biden biður um umbering

Forestin í USA, Joe Biden bað í gjár um umbering fyri at USA tók seg úr París-veðurlagsavtaluni.

Hetta gjørdi hann, tá hann tók orðið á COP27 veðurlagsráðstevnuni, sum í hesum døgum er í Sharm el-Sheik í Egyptalandi.

Tað var undanfarni forsetin Donald Trump, sum tók USA úr París-avtaluni, tí hann helt, at avtalan fór at skaða amerikanska búskapin, men eitt av fyrstu tingunum Biden gjørdi eftir at hann tók við forsetaembætinum, var at binda USA aftur til París-avtaluna. 

USA hevur sett sær sum mál, at minka um útlátið av vakstrarhúsgassum við 50-52 prosentum innan 2030.

- Sum forseti fyri USA eri eg sannførdur um, at vit fara at náa okkara málum innan 2030, segði Biden eisini í taluni.

USA er tað landið í heiminum, sum útleiðir næst-mest av vakstrarhús-gassum. Bert Kina dálkar meira enn USA, skrivar heimasíðan hjá danska kringvarpinum.