Starvsstovan stongdi sjey matstøð

Sjey matstøð vóru stongd alt fyri eitt, tá Matvørudeildin á Heilsufrøðiligu starvsstovuni kannaði 49 støð, sum selja pitsa og grillmat.

Á 12 støðum var reinførið ikki nóg gott. Men nógva staðni var tað sera gott.

Kanningin var gjørd í summar. Allar eftirlitsvitjanirnar vóru ófráboðaðar. 

Kanningin umfataði reinføri, og hvussu fritura og sharwarmaspjót vóru handfarin. 

Sum heild er heilsufrøðiliga støðan í matstovum og á pitsa- og grillstøðum í Føroyum í 2022 í lagi, sigur Heilsufrøðiliga starvsstovan. 

Men tað kann blíva betri, serliga kunnu hølini verða betur reingjørd.

Heilsufrøðilig starvsstova, Heilsufrøðiliga starvsstovan, Starvsstovan

42 prosent nøktandi reinhald

42 prosent fingu talið eitt fyri reinhald. Eitt merkir, at reinhaldið er nøktandi.

Ein triðingur fekk talið tvey, tað er, at okkurt kann gerast betri.

Men 25 prosent, fjórðingurin, fekk trítalið. Og tá er reinhaldið ikki í lagi.

Sharwarmaspjótini vóru í nógv flestu førum í lagi. Hjá stórum meiriluta teirra, sum brúktu frituru, vóru viðurskiftini í lagi.  

Í mai, tá átakið hjá Heilsufrøðiligu starvsstovuni byrjaði, vóru 205 løggild matstøð í Føroyum.