Embætisfólkini næstu ferð

Embætisfólkini næstu ferð
Nýggi rammusáttmálin millum Føroyar og Ísland merkir, at frameftir verða tað ikki politikarar, men embætisfólk, ið skulu samráðast.
 
10.12.2022 - 17:48

Sínámillum fiskiveiðiavtalan millum Føroyar og Ísland fyri 2023, sum Árni Skaale, landsstýrismaður í fiskivinnumálum, og Svandís Svavarsdóttir, íslendskur matvørumálaráðharri, skrivaðu undir í vikuni, verður helst tann seinasta av sínum slagi.

Fiskiveiði­samráðingarnar millum Føroyar og Ísland hava higartil altíð verið á politiskum stigi, men í nýggja rammusáttmálanum millum londini verður lagt upp til, at tær hereftir verða á embætismannastigi.

Rammusáttmálin, ið Jenis av Rana, skrivaði undir sum landsstýrismaður í uttanríkismálum, kemur í staðin fyri semjuna landanna millum frá 1976.

Sáttmálin skal tó fyrst samtykkjast í Løgtinginum og íslendska Altinginum, áðrenn hann fær gildi.

Taka Løgtingið og Altingið undir við rammusáttmálanum, verður núverandi fiskiveiðiavtalan tann seinasta, sum er gjørd á politiskum stigi.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214