Spania: Stytta arbeiðsvikuna

Ætlanin er, at fyritøkurnar skulu kunna søkja um at vera við í verkætlanini, so starvsfólkini fáa styttri arbeiðsviku, men tó somu løn.

Ritzau-tíðindastovan skrivar, at fyritøkurnar í tvey ár skulu stytta arbeiðstíðina minst 10 prosent hjá minst einum fjórðingi av starvsfólkunum.

Tankin er, at við eini styttari arbeiðsviku fara starvsfólkini at arbeiða meira effektivt teir dagar, tá ið tey eru til arbeiðis.

Stytt arbeiðsvika var eitt av vallyftunum á løgtingsvalinum fyri hálvariaðru viku síðani, men enn er ikki greitt, um tað eisini fer at síggjast í komandi samgonguskjalinum.