Jobmatch verður í dag

71 fyritøkur, kommunalir stovnar og almennir stovnar eru við á Jobmatch, sum verður í Norðurlandahúsinum seinnapartin í dag, frá kl.12.00 til 18.00.

Sambært fyriskiparanum, Syntesa, er Jobmatch meira enn trífaldað, síðani starvsstevnan var fyrstu ferð í 2011. 

Tá vóru 21 fyritøkur og stovnar við.

Seinastu tvey árini hevur korona sent Jobmatch á netið. Men nú er hon aftur í Norðurlandahúsinum.

Endamálið við Jobmatch er enn sum áður at knýta samband millum føroyska arbeiðsmarknaðin og lesandi og útbúgvin í Føroyum og uttanlands.