Ríkisfelagsskapurin kom saman

Aksel V. Johannesen, løgmaður, danski forsætisráðharrin, Mette Frederiksen og Múte B. Egede, grønlendski landsstýrisformaðurin, hava í dag fundast í danska forsætismálaráðnum í Keypmannahavn.

Tað skrivar Løgmansskrivsstovan.

Á fundinum samdust londini í ríkisfelagsskapinum um at halda fram við uttanríkis-, trygdar- og verjupolitiska samstarvsráðnum, sum er millum Føroya landsstýri, donsku stjórnina og grønlendska landsstýrið.

Eisini var avtalað, at Grønland nú tekur yvir formansskapin í Samstarvsráðnum, eftir at Føroyar hevur havt hann.