ALS-lógin neyvan endurskoðað nú

25.01.2023 - 08:24
AktueltPolitikkur
ALS-lógin neyvan endurskoðað nú
ALS-stýrið sendi í summar landsstýrinum uppskot um at endurskoða lógina, men tað er lítið sannlíkt, at tað verður gjørt í hesi tingsetuni
Stýrið fyri ALS hevur mælt til at endurskoða lógina um Arbeiðsloysisskipanina.
Mynd: Bjarni Árting Rubeksen  
 

Tað er lítið sannlíkt, at lógin um ALS verður endurskoðað í hesi tingsetuni.

Tey eru boðini úr Umhvørvismálaráðnum, sum umsitur arbeiðsmarknaðarmál.

ALS-stýrið sendi í fjør summar landsstýrinum eitt uppskot um at endurskoða ALS-lógina. 

Stýrið mælti eisini til at lækka inngjaldið.

 

Uppskotið ikki evnað til

Enn er ikki komið á mál við at evna uppskotið til í tøttum samstarvi við ALS. 

Tá komið er undir land við hesum arbeiði, verður uppskotið viðgjørt politiskt. 

Tað er lítið sannlíkt, at komið verður á mál í hesi tingsetuni, verður sagt í Umhvørvismálaráðnum.

 

Broyta fiskavirkisskipanina

Hálvan desember í fjør sendi ALS-stýrið landsstýrinum tilmæli um at broyta fiskavirkisskipanina, sambært Degi og viku.

Nú kunnu fólk vera í skipanini í átta vikur, bara tey hava arbeitt hálvan tíma í hesar átta vikurnar.

ALS-stýrið mælir til at stytta tíðina niður í fýra vikur, og minsta markið skal vera 16 tímar. 

Er kopiera
Nýggjastu sendingar í ÚV
Nýggjastu sendingar í SV
Sunnudag 5. februar
Andakt við Niels Paula Nónstein
151993
Sunnudag 5. februar
Møti umborð á Bakkafossi
151995
Leygardag 4. februar
Ítróttafagnaðurin 2022
151988
Hósdag 2. februar
Foytar greyðir (2:3)
151840
Týsdag 31. januar
Jørðin II: Oyggjar (1:6)
119181