Løgmaður fult álit á bankanevndini

- Eg havi onga orsøk at halda, at bankin ikki er nóg væl bjálvaður til at kunna rinda út vinningsbýti. 

Tað sigur Aksel V. Johannesen, løgmaður.

Hann sigur seg hava fult álit á nevndini í bankanum, eftir at bankin fyri vikuskiftið kunngjørdi, at ætlanin er at hækka møguleikan fyri vinningsbýti úr 50 upp í 70 prosent. 

Birita Sandberg Samuelsen

Birita Sandberg Samuelsen var forkvinna í Fíggingargrunninum, tá Kristina Háfoss koyrdi alla nevndina til hús fyri nøkrum árum síðani. Í dag er Birita Sandberg Samuelsen nevndarforkvinna í BankNordik. (Savnsmynd)

Aksel V. Johannesen var eisini løgmaður fyri seks árum síðan, tá Kristina Háfoss, táverandi landsstýriskvinna í fíggjarmálum, koyrdi nevndina í Fíggingargrunninum til hús, tí at nevndin hevði tikið undir við at gjalda serstakt vinningsbýti til partaeigararnar. 

Tá segði Kristina Háfoss, at landsstýrið heldur vildi hava, at bankin legði pengar til viks til verri tíðir, enn at rinda vinningsbýti. Forkvinnan í Fíggingagrunninum tá var Birita Sandberg Samuelsen, sum í dag er forkvinna í nevndini í BankNordik.

Hoyr innslag í útvarpstíðindunum: 

Evnið var viðgjørt í Breddanum fyrrapartin. Hoyr allan Breddan her.