Grønland: Heitast í 1000 ár

Tað vísa kjarnuboringar, granskarar frá Alfred Wegener-stovninum í Týsklandi og Niels Bohr-stovninum í Danmark hava gjørt í grønlendska innlandsísinum.

Granskararnir siga, at innlandsísurin kann siga nakað um veðurlagið í fortíðini, nútíðini og framtíðini.

Soleiðis hava teir við sínum kanningum endurskapt veðurlagið í Grønlandi frá ár 1000 og heilt fram til 2011.

- Einki annað tíðarskeið hesi túsund árini hevur tað verið so heitt sum frá 2001 til 2011, sigur Bo Vinther frá Niels Bohr-stovninum, við grønlendska kringvarpið, KNR.

Samanberingar eru gjørdar við 30 ára gamlar kjarnuboringar í sama umráði, og kann staðfestast, at globala upphitingin er rokkin heilt inn til hjartað í innlandsísinum.