Musharraf deyður

Fyrrverandi pakistanski forsetin, Pervez Musharraf, doyði í gjár á einum sjúkrahúsi í Dubai, 79 ára gamal.

Tað váttar eitt talsfólk hjá pakistansku sendistovuni í Dubai fyri Reuters.

Pervez Musharraf var við í einum hernaðarkvetti, sum í 1999 koyrdi stjórnina hjá táverandi forsætisráðharranum, Nawaz Sharif, frá.

Hann var forseti frá 2001 til 2008 og var roknaður sum politiskt hóvligur og vinaliga sinnaður mótvegis vesturheiminum.

Pervez Musharraf var ofta nevndur í tíðindunum í árunum eftir yvirgangsálopini í USA 11. september 2001.

Hóast nógvar atfinningar í heimlandinum, tók hann undir við  amerikanska krígnum móti yvirgangi.