- Tíðindi, mentan og ítróttur
Landsbankin: Landið skal læna pengarnar til Suðuroyartunnilin
![](https://kvf.fo/sites/default/files/styles/grein-ovasta-mynd/public/ferdsla_i_eysturoyartunlinum-14-denoiseai-denoise.jpg?itok=wEnNv1jJ)
Landsbankin mælir til, at landið lænir pengarnar til Suðuroyartunnilin og lænir síðani partafelagnum, sum skal gera tunnilin, pengarnar.
Og landið skal veita inntøkutrygd fyri lánunum, sum p/f Suðuroyartunnilin tekur.
Við hesum leisti veitir landskassin trygd fyri, at árliga lánsupphæddin fellur til gjaldingar.
Hetta stendur í svarinum hjá Dennisi Holm, landsstýrismanni, til Erhard Joensen, løgtingsmann.
Suðuroyarleiðin kostaði 137 mió. kr.
Erhard Joensen spurdi, hvussu Suðuroyartunnilin skal fíggjast.
Hann spurdi eisini, um landsstýrismaðurin ætlar at kanna, um statslán úr Danmark er ein møguleiki.
Hesum svarar Dennis Holm ikki beinleiðis, men sigur, at ymisir møguleikar verða lýstir, áðrenn avgerð verður tikin um fígging.
Dennis Holm sigur, at í fjør kostaði suðuroyarleiðin 137 mió. kr.