Sparikassi havt eftirlitisvitjan

Har vóru gjøgnumgangin øll týðandi váðaøki í sparikassanum, so sum politikkir, mannagongdir og stakroyndir av útlánum.

Í sambandi við gjøgnumgongdina av útlánum staðfesti fíggjareftirlitið, at tað var ikki tørvur á meiri niðurskrivingum.

Norðoya Sparikassi fekk boð um at tillaga leiðreglur fyri compliance- og váðastýring við at útgreina ársætlan og raðfesting av uppgávum.

Solvenstørvurin skuldi økjast 0,1 prosentstig, og hesum hevur sparikassin longu lagt upp fyri í roknskapinum fyri triðja ársfjórðing í fjør.

Norðoya Sparikassi, sum hevði vitjan av fíggjareftirlitinum í november mánaði, sigur seg taka frágreiðingina til eftirtektar og ger tær neyðugu tillagingarnar.