Samráðingar um Nato-limaskap halda fram í mars

Samrøðurnar millum Svøríki, Finnland og Turkaland um Nato-limaskapin halda fram í mars mánaði.

Tað upplýsti svenski forsætisráðharrin,  Ulf Kristersson, fyri SVT í gjárkvøldið.

Samrøðurnar byrja nakað inni í mars, men forsætisráðharrin kundi ikki seta eina ítøkiliga dagseting á.

Samrøðurnar landanna millum steðgaðu annars brátt í januar, eftir at danski Rasmus Paludan, sum mótmælir islam, hevði brent koranir uttanfyri turkisku sendistovuna í Stockholm.

Bæði Svøríki og Finnland hava søkt um limaskap í verjusamgonguna Nato.

Men Turkaland, sum eisini er limur í Nato, hevur sagt seg treyðugt vilja stuðla einum svenskum limaskapi í Nato.