Tey ungu vilja skapa egnar royndir í arbeiðslívinum

Hugburðurin hjá undanfarnum starvsfólkum, heitið á starvinum og umdømið hjá fyritøkuni vigar ikki tungt í hugaheiminum hjá ættarliðnum, tá tey skulu velja sær starv. 

Sambært eini kanning er unga ættarliðið sjálv­bjarg­ið og vil skapa egnar royndir í arbeiðslívinum.

1.100 fólk vóru við í einari kanning um føroyska ættarliðið Z um, hvat tey vilja við arbeiði sínum.

67 prosent vilja arbeiða í tænastuvinnuni. 

Serligur áhugi fyri heilsuverkinum

Áhugi er serliga fyri heilsuverkinum og sosialum fyriskipanum.

Bara seks prosent vilja arbeiða í tilfeingisvinnuni, og 11 prosent ætla at fara í framleiðsluvinnuna.

69 prosent vilja arbeiða í Føroyum. Bara fýra prosent ætla sær ikki arbeiða í Føroyum.

Fjórðingurin heldur, at lønin er nóg góð í Føroyum.