Varaborgarstjórin: Royni at finna eina loysn

Varaborgarstjórin í Klaksvíkar kommunu, Atli S. Justinussen, harmast um ósemjuna, sum hevur tikið seg upp við borgarstjóran í Klaksvík.

 - Eg havi roynt at finna eina loysn; men hon er ikki funnin enn, sigur Atli S. Justinussen, sum ikki hevur aðrar viðmerkingar í løtuni.

Hann ætlar sær fyrst at tosa við baklandið í Norðoya Fólkafloksfelag.

Tað var í gjár, at Norðlýsið bar tíðindini, at varaborgarstjórin hevur boðað frá, at hann ikki verður á samgongufundum fyribils, tí borgarstjórin hevur brotið eina munnliga avtalu teirra millum.

Avtalan snýr seg um, at varaborgarstjórin verður virkandi borgarstjóri, tá ið Karl Johansen er uttanlands. Men hetta hendi ikki í desember, tá ið Karl Johansen fór av landinum.

Eisini Karl Johansen, borgarstjóri, harmast ósemjuna: