Open Doors Føroyar letur 270.000 kr. til Sýria

Felagsskapurin Open Doors Føroyar letur 270.000 krónur til jarðskjálvtarakta økið í Sýria.

Innsavningin byrjaði beinanvegin, tíðindi um harðasta jarðskjálvtan í hundrað ár í Turkalandi og Sýria bórust 6. februar.

Nú tríggjar vikur seinni, eru 270.000 krónur latnar hart rakta økinum. Open Doors Føroyar hevur gjørt av at brúkan allan innkomna peningin í Sýria.

25.000 fólk í Latakia og Aleppo fáa ágóðan av hesum peninginum.

Harumframt er ein langtíðarætlan um at hjálpa 200.000 fólkum í øllum Sýria, sigur Open Doors Føroyar.

Stuðulin, ið føroyingar hava veitt, verður millum annað brúktur til mat, heilivág, reinførishjálp, umvæling og fyribilshúsaleigu, og traumaviðgerð.

Tað ber enn til at stuðla arbeiðnum hjá Open Doors Føroyar í Sýria.