Lesa helst á føroyskum

Næmingar dáma best at lesa á føroyskum. Hetta vísur kvalitativ lesivanakanning, sum varð almannakunngjørd á heysti í 2022.

Kanningin vísir eisini, at hóast børn enn lesa nógv danskt, hevur enskt yvirhálað danskt á øðrum plássi

Lesivanakanningin er bygd á samrøður við børn í sætta flokki kring alt landið í 12 skúlum. 

Sambært kanningini er tað í 6. flokki, at hugurin at lesa er minkandi, og um somu tíð veksur nýtslan av øðrum miðlum eisini. 

Lítið samband við skaldskap
Høvuðsúrslitið av kvalitativu lesivanakanningini er millum annað, at spennið er sera vítt ímillum flokkar og tær avbjóðingarnar, sum næmingarnir hava í skúlunum. 

Næmingar siga seg lesa lítið í frítíðini og hava lítið samband við skaldskap. 

Kanningin vísir eisini, at í nógvum førum minnir eingin tey á at lesa, og at tey hava ilt við at finna eina bók, ið tey tíma og megna at lesa.

Tað eru Sissal M. Rasmussen, ph.d. og adjunktur á Føroyamálsdeildini, Lydia Didriksen, fólkaskúlalærari, skúlabókavørður, og Turið Kjølbro, cand.phil í bókmentum og máli og ritstjóri á Bókadeild Føroya Lærarafelags, sum hava tikið stig til og gjørt kvalitativu lesivanakanningina, sum kann verða lisin á heimasíðuni hjá Málmenning: