Gassprísurin fallin 40 prosent

Prísurin á gassi er fallin nógv seinastu tíðina.

Á altjóða marknaðinum í Hollandi (Dutch TTF) var prísurin í dag fyri tað, sum í gassi svarar til eina tunnu av olju - olju-ekvivalenturin - 77 dollarar.

Prísurin er fallin 40 prosent síðani ársskiftið, skrivar NRK.

Higartil í ár hevur prísurin á gassi, útroknað upp á olju-ekvivalentin, ligið millum 80 og 85 dollarar.

Í fjør var prísurin í miðal 213 dollarar. Dagsins gassprísur er 80 prosent lægri enn miðalprísurin í fjør.

Gassgoymslurnar í vesturheiminum eru á tremur, eftir stórar nøgdir av flótandi gassi eru framleiddar seinastu tíðina. Samstundis er eftirspurningurin minkaður nógv, skrivar NRK.