ALS bíligari

Inngjaldið til ALS er farið niður.

Tað lækkaði 1.januar úr einum prosenti niður í 0,8 prosent.

Fólk, sum fáa 300.000 krónur í løn um árið, spara góðar 500 krónur.

Inngjaldsloftið er eisini lækkað.

Tað er farið úr 6.500 krónum niður í 5.200 krónur um árið.

Tað merkir, at eingin løntakari fer at rinda meiri enn 5.200 krónur í ALS-gjaldi árliga.

50 milliónir minni

Løntakarar og arbeiðsgevarar fara at rinda ALS 25 mió.kr. minni hvør um árið.

Orsøkin til lækkingin er, at arbeiðsloysisskipanin er sera væl fyri fíggjarliga eftir nógv ár við sera lítlum arbeiðsloysi.

Eginognin í ALS-grunninum væntaðist at vera ein milliard og 250 milliónir krónur við árslok 2023.

Um so skuldi verið, at arbeiðsloysið í Føroyum fór upp í fimm prosent, hevði ALS kunnað útgoldið arbeiðsloysisstuðul í meira enn 25 ár.