Trolbátarnir liggja enn

Trolbátarnir liggja framvegis við bryggju.

Tað sigur Fiskamarknaðurin.

Um línuskip sigur hann, at eitt ísfiskalínuskip avreiðir í dag. Hitt liggur.

Tvey frystilínuskip fiska við Ísland, og seks eru á landgrunninum. 

Brúkiligur streymur

Um útróður verður sagt, at streymurin er brúkiligur, men veðrið verður ikki av tí besta. Tí væntar Fiskamarknaðurin ikki nógvan útróður nú í vikuni.

Djúpvatnstrolararnir liggja allir, men fara út, tá veðrið batnar.

Um partrolarar verður sagt, at trý pør eru úti. Fiskaríð er misjavnt. Helst fara nøkur pør út, tá veðrið batnar.

Tvey garnaskip fiska svartkalva, og eitt fiskar havtasku. 

Fiskaríð er brúkiligt eftir svartkalva, men smáligt eftir havtasku.