Ætla at varðveita Ólav

Vestmenningar fara nú at gera eina roynd at varðveita gamla post- og ferðamannabátin “Ólav”, sum sigldi serliga millum Vestmanna og Fútaklett í Vágum við fólki, farmi og posti.

Vp.fo skrivar, at ítøkiligar ætlanir eru um at skipa ein grunn til endamálið.

Millum stigtakararnar eru Bárður Nielsen og Sámal Jákup Olsen, sum á Facebook vísa á ta heilt serstøku søgu, sum báturin hevur í økinum báðu megin Vestmannasund.

Teir vísa á, at hann varð bygdur til at binda økið saman, áðrenn fast vegasamband kom millum bygda og seinni eisini undir sundið.

Í sambandi við ætlanina at varðveita “Ólav”, verður fundur á Miðnámi í Vestmanna mikukvøldið klokkan sjey.