Avgjørdu at íløgurnar skuldu leggjast á prísin

- Tað er møguligt, at eigararnir áttu at rindað ein part av íløgunum, men man hevur valt, at tað skal leggjast á prísin.

Tað sigur Tróndur Sigurðsson, býráðslimur í Tórshavnar kommunu og formaður í Fjarhitafelagnum frá 2020 til 2022. 

Brúkarafelagið "Skynsamur fjarhiti" hevur í hoyringarskrivi til nýggju elveitingarlógina sagt, at tey vilja hava útbyggingarnar hjá Fjarhitafelagnum kannaðar við afturvirkandi gildi.

Tróndur Sigurðsson, Tórshavnar býráð 2021-2014

Tróndur Sigurðsson er fyrrverandi formaður í Fjarhitafelagnum. (Savnsmynd: Bjarni Árting Rubeksen)

Felagið sigur, at tær eru óskynsamar, og tey vilja ikki rinda prísin.

SEV og Tórshavnar kommuna eiga Fjarhitafelagið, og tey hava í felag tikið avgerð um at útbyggja fjarhitanetið út í vesturbýin í Havn.

Tróndur Sigurðsson sigur seg skilja sjónarmiðið hjá brúkarafelagnum, men at hatta er farið:

Tróndur Sigurðsson var formaður í Fjarhitafelagnum tvey tey fyrstu árini av valskeiðnum. Hann er í løtuni næstformaður. 

Sune Jacobsen

Sune Jacobsen er formaður í Fjarhitafelagnum. (Savnsmynd)

SEV, sum er hin eigarin, hevur formansskapin i løtuni. 

Formaðurin í Fjarhitafelagnum, Sune Jacobsen, vil ikki gera viðmerkingar til málið, men sigur, at tað eru SEV og Tórshavnar kommuna, sum hava gjørt ætlanirnar um útbyggingar, og sum mugu svara fyri, um eigararnir skulu rinda part av útbyggingarætlanini.