Virkandi stjóri á Landsverk settur

Eftir at Sigurd Lamhauge hevur sagt seg úr starvi sum stjóri á Landsverki, hevur Fiskivinnu- og samferðslumálaráðið í dag tikið avgerð um at seta Marjun Weihe Thomassen, fíggjarleiðara á Landsverki, sum virkandi stjóra, til starvið er sett av nýggjum.

Farið verður beinanvegin undir at fyrireika eina tilgongd at seta nýggjan stjóra á Landsverki, skrivar aðalráðið.