Føroyar smurdu Luksemburg av

bannari
Føroyar smurdu Luksemburg av
Føroyska hondbóltslandsliðið við kvinnum rætt og slætt smurdi Luksemburg av og fekk síni fyrstu undankappingarstig yvirhøvur. Liðini hittast aftur á Hálsi sunnudagin
Føroysku hondbóltskvinnurnar fegnast um sín fyrsta undankappingarsigur
Mynd: HSF  
 
28.02.2024 - 19:23

Longu fyrstu minuttirnar var greitt, at Føroyar fóru at vinna EM-undankappingardystin á útivølli ímóti Luksemburg.

Gamaní var munurin á máltalvuni ikki so stórur beinanvegin, men á vøllinum sást týðiliga, at føroyingarnir vóru fleiri stig betri enn mótstøðukvinnurnar.

Kvika føroyska bakketan við Janu Mittún á odda hevði ongar trupulleikar við at spæla seg til málmøguleikar, meðan verjan so við og við fann stevi ímóti ráðaleysa heimaliðnum.

Tað einasta, sum longi hepnaðist hjá teimum reyðu vóru innspølini til strikurnar, Laura Willems og Sophie Elcheroth, sum onkursvegna fingu fatur á bóltunum ímillum Pernille Brandenborg og Brynju Symphor Høj. 

Annars var ikki nógv at seta fingurin á. Allir føroysku spælararnir fingu tíð á vøllinum, og fleiri av teimum nýggju fingu síni fyrstu mál í A-landsliðsblusuni. 

Persónligu avrikini vóru í stóran mun góð, munurin á máltalvuni vaks alsamt og føroysku kvinnurnar fingu sín fyrsta EM-undankappingarsigur yvirhøvur mestsum uttan at sveitta.

At ein sigur afturat kemur í høllin á Hálsi sunnudagin, munnu tey flestu vera samd um.


Centre sportif National d'COQUE (EM-undankapping)
Luksemburg - Føroyar, 16-32 (9-16)

Føroysku málskjúttarnir: Jana Mittún 8 (10), Pernille Brandenborg 7 (7), Lív Sveinbjørnsdóttir Poulsen 6 (7), Súna Krossteig Hansen 5 (8), Anna Elisabeth Halsdóttir Weyhe 4 (4), Maria Pálsdóttir Nólsoy 2 (3), Rannvá Olsen 1 (1), Bjørk Franksdóttir Joensen 1 (1)

Er kopiera
Nýggjastu sendingar í ÚV
Hósdag 3. apríl
Eitt korter við jazzi 3. apríl 2025
190199
Hósdag 3. apríl
Brot úr Føroya søgu
190189
Hósdag 3. apríl
Góðan morgun Føroyar
190188
Hósdag 3. apríl
Morgunlestur hósdagur 3.apríl 2025
189978
Nýggjastu sendingar í SV
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125