Atkvøðugreiðslan endar á middegi

Talgilda atkvøðugreiðslan hjá Pedagogfelagnum, sum byrjaði 14.februar, endar á middegi í dag.

Sanna á Løgmansbø og Jógvan Philbrow stilla upp til forfólkasessin.

Sanna á Løgmansbø er leiðari á dagstovninum Birkilund í Havn, og Jógvan Philbrow hevur verið formaður síðani 2015.

Forfólkið verður valt til eitt trý ára skeið.

Seks fólk kappast um tríggjar nevndarsessir, teirra millum eru tveir, sum eru í nevndini nú.

Úrslitið av valinum verður kunngjørt á aðalfundinum hjá Pedagogfelagnum, sum verður í morgin, 2. mars.