Í kvøld verður úrslitið av atkvøðugreiðsluni greitt

Í dag verður greitt, hvør verður forfólk í Pedagogfelagnum næstu trý árini.

Pedagogfelagið hevur aðalfund á Hotel Føroyum, og Sanna á Løgmansbø og Jógvan Philbrow stilla upp til forfólkasessin.

Sanna á Løgmansbø er leiðari á dagstovninum BiRkilund í Havn, og Jógvan Philbrow hevur verið formaður í Pedagogfelagnum síðani 2015.

Talgilda atkvøðugreiðslan hjá Pedagogfelagnum, sum byrjaði 14. februar, endaði á middegi í gjár.

Meira enn 1.800 limir hava valrætt, og av teimum hava 74 prosent atkvøtt í talgildu atkvøðugreiðsluni.