Landsstýrið stuðlar kvinnum sum hava stevnt Danmark

Landsstýrið í Grønlandi stuðlar teimum 143 kvinnunum, sum hava stevnt danska statinum í snyrilsmálinum.

Tað sigur Naaja H. Nathanielsen, landsstýriskvinna í lógarmálum og javnstøðu, við KNR.

Hon sigur, at hon skilur væl, at tær 143 kvinnurnar vilja hava hetta málið roynt í rættinum.

Øll í Grønlandi taka undir við tí, heldur hon.

Naaja H. Nathanielsen sigur eisini, at landsstýrið tekur ikki støðu til sjálvt málið.

Landsstýrið tekur ikki politiska støðu til mál, sum eru í rættinum, sigur hon.