Landsrætturin skal viðgera níggju revsimál

Meðan Eystari landsrættur er í Føroyum hesa vikuna og í næstu viku, skal rætturin avgreiða níggju revsimál. 

Eystari landsrættur viðger revsimál, sum eru avgjørd í Føroya rætti, og sum eru kærd. 

Ákæruvaldið og tann dømdi kunnu kæra dómar, sum Føroya rættur hevur sagt, til Eystara landsrætt.

Landsrætturin er vanliga í Føroyum tríggjar ferðir um árið.

Fáar avmarkingar eru, hvørji mál kunnu kærast, og tí eru málini, sum skulu viðgerast í landsrættinum, ymisk. 

Málini snúgva seg milllum annað um neyðtøku, harðskap, grovan narkotikakriminalitet og brot á ferðslulógina.

Dómarnir, sum eru sagdir í landsrættinum, kunnu í útgangsstøðinum ikki kærast.