Turið aftur á landsliðnum

Turið Arge Samuelsen er við aftur á føroyska hondbóltslandsliðnum, sum í næstum skal spæla avgerandi EM-undankappingardystir ímóti Svøríki og Íslandi.

Tað kom óvart á, tá kyndilsspælarin ikki var tikin út til dystirnar ímóti Luksemborg fyri kortum, men hon er við í hópinum til torføru dystirnar ímóti norðurlendsku grannunum.

Tað er greitt eftir úttøkuna í dag.

Í mun til hópin, sum varð tikin út seinast, eru Natasja Hammer og Inga Maria Roysdóttir ikki við hesa ferð. 

Avgerandi dystir

Føroyar spæla á heimavølli ímóti Svøríki 3. apríl og á útivølli ímóti Íslandi fýra dagar seinni. Ikki fyrrenn tá verður greitt, um landsliðið hevur spælt seg til EM-endaspælið í vetur.

Fleiri mátar eru at kvalifisera seg. Um tað eydnast at vinna við meir enn fimm málum ímóti Íslandi, ber til at enda á 2. plássi í bólkinum. 3. plássið kann eisini vera nóg mikið. Fýra av átta londum, sum enda nummar trý í bólkinum, spæla seg víðari.

Føroyski landsliðshópurin

Málverjar
Annika Fríðheim Petersen, Follo HK (NOR)
Rakul Wardum, Ringkøbing Håndbold (DEN)

Vengur
Rannvá Olsen, VÍF
Anna Elisabeth Halsdóttir Weyhe, H71
Hervør Niclasen, Neistin
Turið Arge Samuelsen, Kyndil
Karin Egholm, H71
Lív Sveinbjørnsdóttir Poulsen, TMS Ringsted (DEN)

Strikur
Brynja Symphor Høj, Neistin
Bjarta Osberg Johansen, Kyndil
Pernille Brandenborg, København Håndbold (DEN)

Bakkar
Bjørk Franksdóttir Joensen, Neistin
Elsa Egholm, H71
Maria Pálsdóttir Nólsoy, Neistin
Súna Krossteig Hansen, Ajax København (DEN)
Jana Mittún, Viborg HK (DEN)