- Tíðindi, mentan og ítróttur
Nýggja nevndin í Pedagogfelagnum farin til sáttmálasamráðingar
Nýggja nevndin í Pedagogfelagnum farin til sáttmálasamráðingar
Partarnir fóru til samráðingarborðið í hølunum hjá Kommunufelagnum klokkan 13.30
Hýrurin var góður, tá nýggja forkvinnan í Pedagogfelagnum, Sanna á Løgmansbø, og Ruth Vang, landsstýriskvinna, hittust til samráðingar seinnapartin.
Mynd: Bjarni Árting Rubeksen
21.03.2024 - 14:45
Samráðingarnar millum Pedagogfelagið, Kommunala arbeiðsgevarafelagið og Fíggjarmálaráðið um nýggjan sáttmála eru nú tiknar uppaftur.
Steðgur hevur verið í samráðingunum, meðan bíðað hevur verið eftir aðalfundinum í Pedagogfelagnum, har nýggj forkvinna var vald og eisini fleiri nýggir nevndarlimir.
Umframt forkvinnuna hevur Pedagogfelagið fingið fýra nýggjar nevndarlimir. Bara ein limur í gomlu nevndini er eftir.
Myndir: Bjarni Árting Rubeksen
Klokkan 13.30 fóru partarnir aftur til samráðingarborðið, og í dag verður samráðst í fundarhølunum hjá Kommunala arbeiðsgevarafelagnum.
Sanna á Løgmansbø segði fyrr í vikuni við útvarpið, at onkrar broytingar eru gjørdar í samráðingarupplegginum hjá Pedagogfelagnum, og spurningurin um lønarlyftið er eisini á skránni.
Umframt forkvinnuna hevur Pedagogfelagið fingið fýra nýggjar nevndarlimir. Bara ein limur í gomlu nevndini er eftir.
Er kopiera
Nýggjastu sendingar í ÚV
Nýggjastu sendingar í SV
