- Tíðindi, mentan og ítróttur
Borgarstjóri vil hava flogvøll á Glyvursnesi aftur á breddan
Borgarstjóri vil hava flogvøll á Glyvursnesi aftur á breddan
Nú tað er ivasamt, um vit sleppa av við okkara virðmismesta útflutning, er støðan vorðin nærmast pínlig, sigur Heðin Mortensen
FarCargo hevur fyribilsloyvi at seta seg í Vágum, og henda støðan er nærmast pínlig, sigur Heðin Mortensen.
Mynd: Bjarni Árting Rubeksen
25.03.2024 - 09:13
Roynt verður nú av nýggjum at blása lív í málið um ein flogvøll á Glyvursnesi.
- Nú allir møguleikar eru troyttir vesturi í Vágum, og allar ætlaðar útbyggingar ikki loysa komandi krøvini og tørvin, er helst rætt nú at taka málið framaftur.
Tað sigur borgarstjórin í Havn, Heðin Mortensen.
- Nú tað er ivasamt, um vit sleppa av við okkara virðmismesta útflutning, er støðan vorðin nærmast pínlig, sigur hann.
Heðin Mortensen, borgarstjóri í Tórshavnar kommunu. (Savsmynd: Bjarni Árting Rubeksen)
Fyribilsloyvi
Harvið sipar hann óivað til, at flogvøllurin í Vágum bara hevur eitt fyribils loyvi, so nýggja farmaflogfarið hjá FarCargo kann lenda har.
Flogfarið “Eysturoy” hevur størri veingjarbreiði, enn flogvøllurin var góðkendur til.
- Eg fari at taka málið um flogvøll á Glyvursnesi framaftur og kanna møguleikarnar fyri politiskari undirtøku, kanna kostnað og fíggingarmøguleikar, sigur Heðin Mortensen, og leggur aftrat, at fyrireikingararbeiðið er byrjað.
Hoyr innslag í útvarpstíðindunum, har samrøða eisini er við Heðin Mortensen, borgarstjóra:
25032024_Hedin_um_flogvoll
Er kopiera
Nýggjastu sendingar í ÚV
