Flestu bústaðir hjá Bústøðum eru í Suðurstreymi

Bústaðir eiga tilsamans 634 íbúðir kring landið, av hesum eru 456 eru í brúki. 178 íbúðir eru í gerð, og tær verða eftir ætlan lidnar á sumri í 2025.

Harumframt hava Bústaðir bygt átta íbúðir, sum síðani eru seldar einum lutaíbúðafelag.

Tað upplýsir Ingilín D. Strøm, landsstýriskvinna, í svari til Eirik í Jákupsstovu, løgtingsmann, sum hevur spurt um málið. 

Ingilín D. Strøm

Ingilín D. Strøm, landsstýriskvinna.

Býtið av leigubústøðum kring landið er soleiðis, at 60 prosent av bústøðunum eru í Suðurstreymoy, 14 prosent eru í ávikavist Eysturoynni og Norðoyggjum, sjey prosent í Suðuroy, 2,5 prosent í ávikavist Vágum og Norðstreymoy, og eitt prosent er í Sandoynni.

Higartil hevur mest verið bygt í miðstaðarøkinum, tí har er tørvurin størstur.

Tað er ásett í Bústaðarpolitikki Landsins, at Bústaðir skulu virka fyri einum størri og meir fjøltáttaðum útboð av bústøðum um alt landið.

Hetta er framvegis ein av arbeiðssetningunum ið arbeitt verður eftir, sigur Ingilín D. Strøm.

Les alt svarið her.