Pengar fáast úr landskassanum til mat

Pengar fáast úr landskassanum til mat
850.000 kr. eru í fíggjarlógini til at fremja royndarverkætlanir, sum kunnu økja framleiðsluna, nýtsluna, virðingina og tilvitskuna um stuttfluttar dygdargóðar matvørur
Stuttfluttur matur er gjørdur úr rávørum, sum eru føroyskar.
 
03.04.2024 - 07:03

850.000 kr. eru í fíggjarlógini til at fremja royndarverkætlanir, sum kunnu økja framleiðsluna, nýtsluna, virðingina og tilvitskuna um stuttfluttar føroyskar dygdargóðar og heilsugóðar matvørur.

Og nú ber til at søkja um studning til júst slíkar verkætlanir, skrivar Uttanríkis- og Vinnumálaráðið.

Endamálið við verkætlanunum skal vera at upplýsa um og gera heilsugóðan mat úr føroyskum rávørum og føroyskari framleiðslu í gerandisdegnum og í undirvísing. 

Eitt nú kunnu dagstovnar, skúlar, bústovnar og ellis- og røktarheim søkja saman við lokalum framleiðarum, áhugabólkum og fakfólkum. 

Málið er, at í minsta lagi tríggjar verkætlanir, og helst fleiri, vera framdar. 

Einki minsta mark er fyri, hvussu stórar verkætlanir skulu vera, sigur Uttanríkis- og Vinnumálaráðið.
 

Er kopiera
Nýggjastu sendingar í ÚV
Sunnudag 19. mai
Bolero - Hvítusunna
175301
Sunnudag 19. mai
Guðstænasta í Gøtu kirkju.
175298
Sunnudag 19. mai
Kórstevnan 2024 (2:2)
175262
Sunnudag 19. mai
Kórstevnan 2024 (1:2)
175261
Nýggjastu sendingar í SV
Mánadag 20. mai
Suð í Keypmannahavn
175066
Mánadag 20. mai
Andakt við Jógvani Zachariassen
175305
Mánadag 20. mai
Andakt við Derhardi Jógvansson
175303
Sunnudag 19. mai
Guðstænasta úr Gøtu kirkju
175297