Katrín Jakobsdóttir stillar upp til forsetavalið

Íslendski forsætisráðharrin, Katrín Jakobsdóttir, stillar upp til forsetavalið í summar.

Tað boðar hon frá í sjónbandaupptøku, sum hon stutt eftir døgurða legði út á Facebook.

Har boðar hon samstundis frá, at hon fer at biðja um at verða loyst úr starvi sum forsætisráðharri.

Eingin lóg forðar tó Katríni í at halda fram sum forsætisráðharri.

Hesin spurningur var eisini frammi í 1996, tá tosað var um møguleikan fyri, at Davíð Odds­son, sum tá var forsætisráðharri, fór at stilla upp sum forsetavalevni.

Stóri spurningurin er so, hvør tekur við, ella, hvussu verður við samgonguni millum tey vinstru-grønu, har sum Katrín Jakobsdóttir er forkvinna, Sjálfstæðisflokkin og Framsóknarflokkin.

Tað er ikki greitt enn, sambært íslendska kringvarpinum.

Katrín Jakobsdóttir hevur boðað til tíðindafund kl. nú kl. 15.