Útlendingar gingu seg fastar

Hóast vánaliga veðrið og ringa sýnið, høvdu tveir útlendingar – faðir og sonur úr Singapore – í gjár hættað sær í fjøllini til gongu úr Tjørnuvík til Saksunar.

Teir vóru farnir avstað klokkan 11.30, men tveir tímar seinni bóðu teir um hjálp, tí teir høvdu gingið seg fastar ovast á varðagøtuni.

Sýnið tá var so vánaligt, at teir bara sóu fimm metrar fram, men við hjálp frá GPS og Sundakortinum, ið hevur talmerkt allar varðarnar, blivu teir hjálptir aftur ímóti Tjørnuvík.

Men tá ið teir nærkaðust bygdini, rendu teir seg aftur fastar og máttu kroka í einum bóli, til fólk kom niðan eftir teimum og fekk teir oman til Tjørnuvíkar.

Bæði politiið, átaksleiðarin í Sunda kommunu vóru uppií at fáa teir báðar aftur til bygdar í øllum góðum.

- Teir vóru rímiliga væl fyri, hóast rennvátir og kaldir, og tá ið teir vóru komnir til hús, hevði túrurin vart í sjey tímar, sigur vakthavandi á Politistøðini í Havn.