Solveig Hanusardóttir Olsen nýggjur stjóri á Listasavninum

Solveig Hanusardóttir Olsen verður nýggjur stjóri á Listasavni Føroya.

Hon er cand.mag í religiónssøgu við hjánámi í kuratering og mentanararvi á lærda háskúlanum í Keypmannahavn. 

Solveig Hanusardóttir Olsen hevur eisini master í listasøgu - MA History and Philosophy of Art – á University of Kent, diplomútbúgving í leiðslu á Glasi og hjánám í føroyskum á Fróðskaparsetrinum.

Solveig Hanusardóttir Olsen hevur verið knýtt at Listasavninum í fleiri umførum síðani 2014, m.a. í tíðarskeiðinum 2016 – 2023 sum savnsvørður, har hon eitt nú miðlaði list við framsýningum, greinum og fyrilestrum. 

Hon varaði av føstu framsýningini, serframsýningum og samskipaði alt arbeiðið. 

Solveig Hanusardóttir Olsen tekur við starvinum sum stjóri á Listasavninum 1. juli. 

Dagført:

Hoyr samrøðu, sum Ruth Winther Poulsen gjørdi við nýggja stjóran á Listasavninum í útvarpstíðindunum: