Enn ein føroyskur hondbóltsspælari til bundesliguna

Enn ein føroyskur hondbóltsspælari til bundesliguna
Føroyski landsliðsspælarin, Vilhelm Poulsen, skal spæla í bestu týsku hondbóltsdeildini. Bakkurin hevur skrivað undir tvey ára sáttmála við TSV Hannover-Burgdorf
Flúgvandi: Vilhelm Poulsen í atsókn ímóti Norðurmakedónia.
Mynd: Bjarni Árting Rubeksen  
 
10.05.2024 - 13:58

Vilhelm Poulsen skal spæla við TSV Hannover-Burgdorf í bestu týsku hondbóltsdeildini. Føroyski bakkurin hevur skrivað undir tvey ára sáttmála.

Tað váttar týska felagið í dag, eftir at portal.fo skrivaði um skiftið síðsta fríggjadag. 

 - Hann hevur serliga bergtikið okkum við sínum framsøkni og hansara evnum í verjuni. Vilhelm kemur við nógvum í sínum spæli og einum veruligum stríðsvilja, sum hóskar okkara liði væl. Nú fær Vilhelm møguleika at menna seg meira - og tað skal hann eisini. Eg gleði meg til at arbeiða saman við honum, sigur venjarin hjá týska felagnum, Christian Prokop.

24-ára gamli høgri bakkurin hevur seinastu tvey árini spælt í bestu donsku deildini, og hevur samstundis verið ein av lyklaspælarunum hjá Peter Bredsdorff-Larsen á føroyska landsliðnum, sum er á veg til Norðurmakedónia at spæla seinna playoff-dystin eftir sannførandi heimasigurin mikukvøldið.

 

Er kopiera
Nýggjastu sendingar í ÚV
Nýggjastu sendingar í SV
Týsdag 18. juni
Veðrið
176960
Mánadag 17. juni
3-2 (18. juni 2024)
176895