Átta stovnar aftrat í Tórshavnar kommunu lata aftur

Átta stovnar aftrat í Tórshavnar kommunu lata aftur
Orsøkin er tann sama - ruskið verður ikki heintað, tí verkfall er
Nú verða átta dagstovnar aftrat í Tórshavnar kommunu stongdir, tí verkfall er.
Mynd: Bjarni Árting Rubeksen  
 
23.05.2024 - 11:15

Í morgin stongja átta dagstovnar afturat í Tórshavnar Kommunu. Tað boðar kommunan frá fyrrapartin.

Orsøkin er tann sama - ruskið verður ikki heintað, tí verkfall er. 

Sambært Tórshavnar kommunu vísa heilsumyndugleikarnir á, at smittuvandi kann standast av, um ruskposar og annað hópar seg upp uttanfyri bingjurnar. Harumframt sleppa fuglur og skaðadjór eisini framat ruskinum, og tað kann eisini vera smittuvandi av tí.

 

Ruskið er farið at hópa seg upp á dagstovnunum, og nú verða teir stongdir. (Mynd: Bjarni Árting Rubeksen)

 

Í morgun stongdu 15 dagstovnar í Tórshavnar Kommunu. Og í morgin stongja so átta dagstovnar afturat.

Tilsamans 36 dagstovnar eru í Tórshavnar kommunu.

Stovnarnir, sum lata aftur í morgin, eru hesir:

Býlingshúsið Millum Gilja

Býlingshúsið Inni á Gøtu

Býlingshúsið á Norðasta Horni og Ungdómshúsið í Vesturbýnum

Dagstovnurin á Hamrinum

Dagstovnurin á Argjum

Dagstovnurin í Hoyvík

Dagstovnurin Kura (Vøggustova og barnagarður við Botnánna)

Frítíðarskúlin Smílibýlið

Er kopiera
Nýggjastu sendingar í ÚV
Leygardag 15. juni
Upp á tá - 150624
176790
Leygardag 15. juni
Jambalaja - 150624
176785
Leygardag 15. juni
EM tíðindi - 150624
176776
Leygardag 15. juni
Vikan 15. juni 2024
176774