European League: Jóhan omaná ímóti Hákuni

Jóhan á Plógv Hansen skeyt fimm mál, tá Flensburg-Handewitt vann European League-finaluna á Hákuni West av Teigum og Füchse Berlin.

Dysturin var sera javnur í fyrra hálvleiki, sum norðurtýskararnir vunnu við einum, men tá sterki strikuspælarin hjá Füchse Berlin, Mijajlo Marsenic, fekk reyða kortið tíðliga í seinna hálvleiki, fekk Flensburg-Handewitt yvirtakið og vann 36-31. 

Jóhan á Plógv Hansen spældi allan dystin, meðan Hákun West av Teigum sat á beinkinum allan dystin, tí Hans Lindberg framvegis spælir flest allar minuttirnar fyri høvuðsstaðarfelagið.