Nú er søkt eftir stjóra til Bústaðir

Leitað verður eftir stjóra, sum brennir fyri at menna føroyska bústaðarmarknaðin og gera hann fjølbroyttari.

Stjórin hevur yvirskipaðu leiðsluna av Bústøðum og evstu fíggjarligu ábrygdina. Eisini skal stjórin lata stýrið í til at taka røttu avgerðirnar.

Bústaðir hava 458 leigumál í rakstri og knappar 200 bústaðir í gerð. 

Starvið verður sett skjótast til ber, og umsóknarfreistin er til 16. juni.

Virkandi stjóri hjá Bústøðum er Hjørdis Gaard Lailudóttir.

Fleiri pengar

Løgtingið samtykti í síðstu viku, at geva Bústøðum heimild at læna 350 milliónir krónur afturat at byggja fyri.

Umframt nýggju lániheimildina fáa Bústaðir eisini heimild at læna pengar uttanlands, umframt Bústaðir kunnu stovna almannagagnlig bústaðarfeløg saman við kommununum.