![](https://kvf.fo/sites/default/files/styles/myndasavn-width/public/joan_petur.jpg?itok=0SwKCG3Y)
- Tíðindi, mentan og ítróttur
Allir dagstovnar kunnu lata aftur, og virksemið á skúlum verður skert
Allir dagstovnar kunnu lata aftur, og virksemið á skúlum verður skert
Havnar arbeiðskvinnufelag hevur ikki tikið støðu til undantøkini, sum Tórshavnar kommuna hevur biðið um
![](https://kvf.fo/sites/default/files/styles/grein-ovasta-mynd/public/solareygad_drongur_og_papp-3.jpg?itok=wqzo6k5G)
Verkfallið hjá arbeiðskvinnufelagnum í Havn kann hava við sær, at allir dagstovnar í høvuðsstaðnum lata aftur.
Mynd: Bjarni Árting Rubeksen
28.05.2024 - 13:29
Tað fer at raka flestu kommunalar stovnar í Havn, tá Havnar arbeiðskvinnufelag fer í verkfall á midnátt.
Ein avleiðing verður, at allir dagstovnarnir fara at lata aftur, og skúlarnir fara at skerja virksemið.
Jóan Petur Hentze er kommunustjóri í Tórshavnar kommunu. (Mynd: Bjarni Árting Rubeksen)
Fæst ikki undantaksloyvi, verður heldur ikki vaskað hjá kommunulæknunum.
Verkfallið kann eisini raka mattænasur til eldri, um undantak ikki verður givið.
Hoyr innslag í útvarpstíðindunum:
28052024_Verkfall_i_Havn
Vígdis Johannesen, forkvinna í Havnar arbeiðskvinnufelag, sigur, at tey hava framvegis ikki tikið støðu til undantøkini, sum Tórshavnar kommuna hevur biðið um.
Altso undantøk, so vaskað verður í kommunulæknaviðtalum, tannrøktini og eldraheimum.
Nýggjastu sendingar í ÚV
Nýggjastu sendingar í SV