Bussar sluppu ikki við Smyrli

Nú skulu øll, sum ætla at fáa akfør, sum eru longri enn sjey metrar, við Smyrli hava undantaksloyvi frá arbeiðarafeløgunum.

Undantikin eru sjúkrabilar og neyðsynjarakfør.

Hetta ger, at bussar og lastbilar skulu hava undantaksloyvi.

Sambært vevmynd av Krambatanga standa fýra stórir og ein lítil bussur í bíðirøðini til Smyril.

Sambært ferðaætlanini fór Smyril av Krambatanga klokkan seks í morgun.

Smyril er farin, og teir fimm bussarnir standa, sambært vevmyndini, enn á ferjuleguni á Krambatanga.